Выдача разрешения на привлечение денег дольщиков

 

Қазақстан Республикасы
Инвестициялар және даму
министрiнiң 2017 жылғы
26 маусымдағы № 387
бұйрығына 1-қосымша

"Үлескерлердiң ақшасын тартуға рұқсат беру" мемлекеттiк көрсетiлетiн қызмет стандарты

Ескерту. Стандарт жаңа редакцияда — ҚР Инвестициялар және даму министрiнiң 11.01.2018 № 12 (алғашқы ресми жарияланған күнiнен кейiн жиырма бiр күнтiзбелiк күн өткен соң қолданысқа енгiзiледi) бұйрығымен.

1-тарау. Жалпы ережелер

1. "Үлескерлердiң ақшасын тартуға рұқсат беру" мемлекеттiк көрсетiлетiн қызмет (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Инвестициялар және даму министрлiгi (бұдан әрi — Министрлiк) әзiрледi.

3. Мемлекеттiк көрсетiлетiн қызметтi облыстардың, Астана және Алматы қалаларының, аудандардың және облыстық маңызы бар қалалардың жергiлiктi атқарушы органдары (бұдан әрi — көрсетiлетiн қызметтi берушi) көрсетедi.

Өтiнiштi қабылдау және мемлекеттiк көрсетiлетiн қызметтiң нәтижесiн беру "Азаматтарға арналған үкiмет" мемлекеттiк корпорациясы" коммерциялық емес акционерлiк қоғамы (бұдан әрi — Мемлекеттiк корпорация) арқылы жүзеге асырылады.

2-тарау. Мемлекеттiк көрсетiлетiн қызметтi көрсету тәртiбi

4. Мемлекеттiк көрсетiлетiн қызметтi көрсету мерзiмi:

1) Мемлекеттiк корпорацияға құжаттар топтамасын тапсырған күннен бастап — 10 (он) жұмыс күнi.

Мемлекеттiк корпорацияға жүгiнген кезде қабылдау күнi мемлекеттiк көрсетiлетiн қызметтi көрсету мерзiмiне кiрмейдi.

2) құжаттар топтамасын тапсыру үшiн күтудiң рұқcат етiлетiн барынша ұзақ уақыты — 15 (он бес) минут;

3) қызмет көрсетудiң рұқсат етiлетiн барынша ұзақ уақыты — 20 (жиырма) минут.

5. Мемлекеттiк көрсетiлетiн қызметтi көрсету нысаны: қағаз түрiнде.

6. Мемлекеттiк көрсетiлетiн қызметтi көрсету нәтижесi — осы мемлекеттiк көрсетiлетiн қызмет стандартына 1-қосымшағасәйкес үлескерлердiң ақшасын тартуға рұқсат беру не осы мемлекеттiк көрсетiлетiн қызмет стандартының 10-тармағында көзделген мемлекеттiк көрсетiлетiн қызметтi көрсетуден бас тарту туралы дәлелдi жауап беру.

Мемлекеттiк көрсетiлетiн қызметтi көрсету нәтижесiн беру нысаны: қағаз түрiнде.

7. Мемлекеттiк көрсетiлетiн қызметтi заңды тұлғаларға (бұдан әрi — көрсетiлетiн қызметтi алушы) тегiн көрсетiледi.

8. Мемлекеттiк корпорацияның жұмыс кестесi — Қазақстан Республикасының еңбек заңнамасына сәйкес жексенбi және мереке күндерiн қоспағанда, дүйсенбiден бастап сенбiнi қоса алғанда, түскi үзiлiссiз сағат 9.00-ден 20.00-ге дейiн.

Қабылдау жедел қызмет көрсетусiз "электрондық кезек" тәртiбiнде көрсетiлетiн қызметтi алушының таңдауы бойынша жүзеге асырылады, жылжымайтын мүлiк объектiсiнiң орналасқан жерi бойынша көрсетiледi, электрондық кезектi "электрондық үкiмет" веб-порталы (бұдан әрi — веб-портал) арқылы броньдауға болады.

9. Көрсетiлетiн қызметтi алушының уәкiлеттi өкiлi құзыретiн растайтын құжат және жеке басын куәландыратын құжат (көрсетiлетiн қызметтi алушының жеке басын сәйкестендiру үшiн) бойынша Мемлекеттiк корпорацияға өтiнiш жасаған кезде мемлекеттiк көрсетiлетiн қызметтi көрсету үшiн қажет құжаттардың тiзбесi:

1) екiншi деңгейдегi банктiң жобаға қатысуы тәсiлiмен тұрғын үй құрылысына үлестiк қатысуды ұйымдастыру кезiнде:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша үлескерлердiң ақшасын тартуға рұқсат беру туралы өтiнiштi;

құрылыс салушының республикалық маңызы бар қалалардағы, астанадағы құрылыста жалпы алаңы кемiнде он сегiз мың шаршы метр және өзге де әкiмшiлiк-аумақтық бiрлiктердегi құрылыста кемiнде тоғыз мың шаршы метр тұрғын үйлер (тұрғын ғимараттар) құрылысының объектiлерiн өткiзу, оның iшiнде тапсырыс берушi, мердiгер (бас мердiгер) ретiнде жиынтығында кемiнде үш жыл тәжiрибесiн растайтын объектiнi пайдалануға қабылдау актiсi;

мемлекет берген уақытша өтеулi жер пайдалану (жалдау) құқығымен немесе меншiк құқығымен тиесiлi жер учаскесiне арналған актi ("Жылжымайтын мүлiк тiркелемiнiң" мемлекеттiк деректер базасы" ақпараттық жүйесiнде мәлiметтер болмаған кезде);

кешендi ведомстводан тыс сараптаманың оң қорытындысымен тұрғын үй (тұрғын ғимарат) құрылысы жобасының жобалау-сметалық құжаттамасы.

2) тұрғын үйдiң (тұрғын ғимараттың) қаңқасы тұрғызылғаннан кейiн үлескерлердiң ақшасын тарту тәсiлiмен тұрғын үй құрылысына үлестiк қатысуды ұйымдастыру кезiнде:

осы мемлекеттiк көрсетiлетiн қызмет стандартына 2-қосымшаға сәйкес нысан бойынша үлескерлердiң ақшасын тартуға рұқсат беру туралы өтiнiштi;

салынған объектiлердiң тәжiрибесiн растайтын объектiнi пайдалануға қабылдау соңғы бес жыл бойы, оның iшiнде тапсырыс берушi, мердiгер (бас мердiгер) ретiнде республикалық маңызы бар қалалардағы, астанадағы құрылыс кезiнде жиынтығында жалпы алаңы кемiнде алпыс мың шаршы метр және өзге де әкiмшiлiк-аумақтық бiрлiктердегi құрылыс кезiнде кемiнде отыз мың шаршы метр тұрғын үйлердi (тұрғын ғимараттарды) Қазақстан Республикасының аумағында салуға және объектiнi пайдалануға қабылдау актiсi. Бұл ретте құрылыс салушының еншiлес ұйымдарының жиынтық тәжiрибесi есепке алынады.

мемлекет берген уақытша өтеулi жер пайдалану (жалдау) құқығымен немесе меншiк құқығымен тиесiлi жер учаскесiне арналған актi ("Жылжымайтын мүлiк тiркелемiнiң" мемлекеттiк деректер базасы" ақпараттық жүйесiнде мәлiметтер болмаған кезде);

кешендi ведомстводан тыс сараптаманың оң қорытындысымен тұрғын үй (тұрғын ғимарат) құрылысы жобасының жобалау-сметалық құжаттамасы;

тұрғын үйдiң (тұрғын ғимараттың) қаңқасының аяқталған құрылысының болуы туралы инжинирингтiк компанияның есебi;

инжинирингтiк компаниямен шарт.

Көрсетiлген құжаттармен бiрге көрсетiлетiн қызметтi алушы Мемлекеттiк корпорацияға олардың көшiрмелерiн ұсынады. Салыстырып тексеруден кейiн құжаттардың түпнұсқалары көрсетiлетiн қызметтi алушыға қайтарады.

Жеке басын куәландыратын құжат туралы, заңды тұлғаны мемлекеттiк тiркеу (қайта тiркеу) туралы, мемлекет берген уақытша өтеулi жер пайдалану (жалдау) құқығымен немесе меншiк құқығымен тиесiлi жер учаскесiнiң болуы туралы Мемлекеттiк корпорацияның қызметкерi тиiстi мемлекеттiк ақпараттық жүйелерден алады.

Егер Қазақстан Республикасының заңнамасында өзгесi көзделмесе, Мемлекеттiк корпорация қызметкерi құжаттарды қабылдау кезiнде мәлiметтердi мемлекеттiк көрсетiлетiн қызметтi көрсету кезiнде ақпараттық жүйелерде қамтылған заңмен қорғалатын құпияларды құрайтын пайдалануға осы мемлекеттiк көрсетiлетiн қызмет стандартына 2-қосымшаға сәйкес көрсетiлетiн қызметтi алушының жазбаша келiсiмiн алады.

Көрсетiлетiн қызметтi алушы барлық қажеттi құжаттарды тапсырған кезде Мемлекеттiк корпорация тиiстi құжаттардың қабылданғаны туралы қолхат берiледi.

Мемлекеттiк корпорацияда дайын құжаттарды беру көрсетiлетiн қызметтi алушының уәкiлеттi өкiлi құзыретiн растайтын құжат бойынша заңды тұлға нотариалды куәландырылған сенiмхат бойынша жеке тұлға тиiстi құжаттардың қабылданғаны туралы қолхат негiзiнде жүзеге асырылады. Көрсетiлетiн қызметтi берушi Мемлекеттiк корпорацияға мемлекеттiк көрсетiлетiн қызметтiң нәтижесiн мемлекеттiк қызмет көрсету мерзiмi өткенге дейiн кемiнде бiр тәулiк бұрын жолдайды.

Көрсетiлетiн қызметтi алушы осы мемлекеттiк көрсетiлетiн қызмет стандартының 9-тармағында көзделген тiзбеге сәйкес құжаттардың толық емес топтамасын ұсынған жағдайда, Мемлекеттiк корпорацияның қызметкерi осы мемлекеттiк көрсетiлетiн қызмет стандартына 3-қосымшаға сәйкес нысан бойынша құжаттарды қабылдаудан бас тарту туралы қолхат бередi.

Мемлекеттiк корпорация нәтиженiң бiр ай бойы сақталуын қамтамасыз етедi, одан кейiн оларды одан әрi сақтау үшiн көрсетiлетiн қызметтi берушiге тапсырады. Көрсетiлетiн қызметтi алушы бiр ай өткен соң жүгiнген кезде көрсетiлетiн қызметтi берушi Мемлекеттiк корпорацияның сұрау салуы бойынша бiр жұмыс күнi iшiнде дайын құжаттарды көрсетiлетiн қызметтi алушыға беру үшiн Мемлекеттiк корпорацияға жiбередi.

10. Мыналар мемлекеттiк көрсетiлетiн қызметтердi көрсетуден бас тарту үшiн негiз болып табылады:

1) мемлекеттiк көрсетiлетiн қызметтi алу үшiн көрсетiлетiн қызметтi алушы ұсынған құжаттардың және (немесе) ондағы деректердiң (мәлiметтердiң) анық емес екенiнiң анықталуы;

2) көрсетiлетiн қызметтi алушының және (немесе) мемлекеттiк қызмет көрсету үшiн қажеттi ұсынылған материалдардың, объектiлердiң, деректердiң және мәлiметтердiң "Үлескерлердiң ақшасын тартуға рұқсат беру қағидаларын бекiту туралы" Қазақстан Республикасы Ұлттық экономика министрiнiң 2016 жылғы 29 шiлдедегi № 352 бұйрығында (нормативтiк құқықтық актiлерiнiң тiзiлiмiнде № 14188 тiркелген) белгiленген талаптарға сәйкес келмеуi;

3) көрсетiлетiн қызмет алушыға қатысты белгiленген мемлекеттiк көрсетiлетiн қызметтi алуды талап ететiн қызметтi немесе қызметтiң жекелеген түрлерiне тыйым салу туралы заңды күшiне енген сот шешiмiнiң (үкiмiнiң) болуы.

3-тарау. Мемлекеттiк көрсетiлетiн қызметтер көрсету мәселелерi бойынша көрсетiлетiн қызметтi берушiнiң және (немесе) олардың лауазымды тұлғаларының, мемлекеттiк корпорацияның және (немесе) оның қызметкерлерiнiң шешiмдерiне, әрекеттерiне (әрекетсiздiгiне) шағымдану тәртiбi

11. Көрсетiлетiн қызметтi берушiлердiң және (немесе) олардың лауазымды адамдарының мемлекеттiк көрсетiлетiн қызмет көрсету мәселелерi бойынша шешiмдерiне, әрекеттерiне (әрекетсiздiгiне) шағымдану: шағым көрсетiлетiн қызметтi берушi басшысының атына осы мемлекеттiк көрсетiлетiн қызмет стандартының 13-тармағында көрсетiлген мекенжайлар бойынша берiледi.

Шағымдар жазбаша нысанда веб-порталы арқылы пошта бойынша немесе көрсетiлетiн қызметтi берушiнiң кеңсесi арқылы қолма-қол қабылданады.

Көрсетiлетiн қызметтi берушiнiң кеңсесiнде шағымды қабылдаған адамның тегi мен аты-жөнi, берiлген шағымға жауап алу мерзiмi мен орны көрсетiле отырып, оны тiркеу (мөртабан, кiрiс нөмiрi және тiркелген күнi) шағымның қабылданғанын растау болып табылады.

Мемлекеттiк корпорация қызметкерiнiң әрекетiне (әрекетсiздiгiне) шағым осы мемлекеттiк көрсетiлетiн қызмет стандартының 13-тармағында көрсетiлген мекенжайлар мен телефондар бойынша Мемлекеттiк корпорация басшысына жiберiледi.

Қолма-қол, сол сияқты пошта арқылы түскен шағымның Мемлекеттiк корпорацияда қабылданғанын растау оны тiркеу (мөртаңба, кiрiс нөмiрi және тiркелген күнi шағымның екiншi данасына немесе шағымға iлеспе хатқа қойылады) болып табылады.

Шағымды веб-портал арқылы жiберген кезде көрсетiлетiн қызметтi алушының "жеке кабинетiнен" шағым туралы ақпарат алуға болады, оны мемлекеттiк органда өңдеу (жеткiзiлгенi, тiркелгенi, орындалғаны туралы белгi жасау, қарау немесе қараудан бас тарту нәтижелер бойынша жауап) барысында жаңартылып отырады.

Көрсетiлетiн қызметтi берушiнiң атына немесе Мемлекеттiк корпорацияға келiп түскен көрсетiлетiн қызметтi алушының шағымы оны тiркеген күннен бастап 5 (бес) жұмыс күнi iшiнде қаралуға жатады. Шағымды қараудың нәтижелерi туралы дәлелдi жауап пошта байланысы арқылы көрсетiлетiн қызметтi алушыға жiберiледi немесе көрсетiлетiн қызметтi берушiнiң кеңсесiнде немесе Мемлекеттiк корпорацияда қолма-қол берiледi.

Көрсетiлген мемлекеттiк көрсетiлетiн қызмет нәтижелерiмен келiспеген жағдайда көрсетiлетiн қызметтi алушы мемлекеттiк көрсетiлетiн қызметтер көрсету сапасын бағалау және бақылау жөнiндегi уәкiлеттi органға шағым бере алады.

Мемлекеттiк көрсетiлетiн қызметтер көрсету сапасын бағалау және бақылау жөнiндегi уәкiлеттi органның атына келiп түскен көрсетiлетiн қызметтi алушының шағымы оны тiркеген күннен бастап 15 (он бес) жұмыс күнi iшiнде қаралуға жатады.

12. Мемлекеттiк көрсетiлген қызмет нәтижелерiмен келiспеген жағдайда көрсетiлетiн қызметтi алушының Қазақстан Республикасының заңнамасында белгiленген тәртiпте сотқа жүгiнедi.

4-тарау. Мемлекеттiк корпорациялар арқылы мемлекеттiк көрсетiлетiн қызмет көрсету ерекшелiктерiн ескере отырып қойылатын өзге де талаптар

13. Мемлекеттiк көрсетiлетiн қызметтi көрсету орындарының мекенжайлары:

1) Министрлiктiң — www.mid.gov.kz, "Мемлекеттiк қызметтер" бөлiмi, "Қазақстан Республикасы Инвестициялар және даму министрлiгiнiң Құрылыс және тұрғын үй-коммуналдық шаруашылық iстерi комитетi" бөлiмi;

2) Мемлекеттiк корпорацияның — www.gov4c.kz интернет-ресурстарында орналастырылған.

14. Көрсетiлетiн қызметтi алушының қашықтықтан қол жеткiзу режимiнде мемлекеттiк көрсетiлетiн қызметтер көрсету мәселелерi жөнiндегi бiрыңғай байланыс орталығы арқылы мемлекеттiк көрсетiлетiн қызметтi көрсетудiң тәртiбi мен мәртебесi туралы ақпаратты алу мүмкiндiгi бар.

15. Мемлекеттiк қызметтер көрсету мәселелерi жөнiндегi бiрыңғай байланыс орталығының телефоны: 1414, 8 800 080 7777.

Жүктеу (DOCX 23 Kb)

Ақмола облысы әкiмдiгiнiң
2017 жылғы 2 қазандағы
№ А-10/444 қаулысымен
бекiтiлдi

"Үлескерлердiң ақшасын тартуға рұқсат беру" мемлекеттiк көрсетiлетiн қызмет регламентi

1. Жалпы ережелер

1. "Үлескерлердiң ақшасын тартуға рұқсат беру" мемлекеттiк көрсетiлетiн қызмет (бұдан әрi — мемлекеттiк көрсетiлетiн қызмет) аудандардың, Көкшетау және Степногорск қалаларының жергiлiктi атқарушы органдарының құрылымдық бөлiмшелерiмен (бұдан әрi — көрсетiлетiн қызметтi берушi) көрсетiледi.

Өтiнiштi қабылдау және мемлекеттiк көрсетiлетiн қызметтiң нәтижесiн беру көрсетiлетiн қызметтi берушiнiң кеңсесi арқылы жүзеге асырылады.

2. Мемлекеттiк қызмет көрсету нысаны: қағаз түрiнде.

3. Мемлекеттiк қызмет көрсету нәтижесi — Қазақстан Республикасы Инвестициялар және даму министрiнiң 2017 жылғы 26 маусымдағы № 387 бұйрығымен (Нормативтiк құқықтық актiлердi мемлекеттiк тiркеу тiзiлiмiнде № 15398 болып тiркелген) бекiтiлген "Үлескерлердiң ақшасын тартуға рұқсат беру" мемлекеттiк қызмет көрсету стандартының (бұдан әрi — Стандарт) 1-қосымшасына сәйкес үлескерлердiң ақшасын тартуға рұқсат беру немесе Стандарттың 10-тармағында көзделген жағдайларда және негiздер бойынша мемлекеттiк қызмет көрсетуден бас тарту туралы дәлелдi жауап беру.

Мемлекеттiк қызмет көрсету нәтижесiн беру нысаны: қағаз түрiнде.

2. Мемлекеттiк қызмет көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) iс-қимыл тәртiбiн сипаттау

4. Мемлекеттiк көрсетiлетiн қызметтi алу үшiн көрсетiлетiн қызметтi алушы Стандарттың 9-тармағында көрсетiлген құжаттарды ұсынады.

5. Мемлекеттiк қызмет көрсету процесiнiң құрамына кiретiн әрбiр рәсiмнiң (iс-қимылдың) мазмұны, оның орындалу ұзақтығы:

1) көрсетiлетiн қызметтi берушiнiң кеңсесi құжаттарды қабылдауды және оларды тiркеудi жүзеге асырады — 15 минут;

2) көрсетiлетiн қызметтi берушiнiң басшысы құжаттарды қарайды және жауапты орындаушыны анықтайды — 1 сағат;

3) көрсетiлетiн қызметтi берушiнiң жауапты орындаушысы құжаттарды қолданыстағы заңнамаға сәйкестiк мәнiне тексередi, рұқсат немесе бас тарту туралы дәлелдi жауап дайындайды — 8 жұмыс күнi;

4) көрсетiлетiн қызметтi берушiнiң басшысы рұқсатқа немесе бас тарту туралы дәлелдi жауапқа қол қояды — 1 сағат;

5) көрсетiлетiн қызметтi берушiнiң кеңсесi рұқсатты немесе бас тарту туралы дәлелдi жауапты бередi — 15 минут.

6. Келесi рәсiмдердiң (iс-қимылдардың) орындалуына негiз болатын мемлекеттiк қызметтi көрсету бойынша рәсiмнiң (iс-қимылдың) нәтижелерi:

1) құжаттарды қабылдау және тiркеу;

2) жауапты орындаушыны анықтау;

3) құжаттарды тексеру, рұқсатты немесе бас тарту туралы дәлелдi жауапты дайындау;

4) рұқсатқа немесе бас тарту туралы дәлелдi жауапқа қол қою;

5) рұқсат немесе бас тарту туралы дәлелдi жауапты беру.

3. Мемлекеттiк қызмет көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) өзара iс-қимыл тәртiбiн сипаттау

7. Мемлекеттiк көрсетiлетiн қызмет процесiне қатысатын көрсетiлетiн қызметтi берушiнiң құрылымдық бөлiмшелерiнiң (қызметкерлерiнiң) тiзбесi:

1) көрсетiлетiн қызметтi берушiнiң кеңсесi;

2) көрсетiлетiн қызметтi берушiнiң басшысы;

3) көрсетiлетiн қызметтi берушiнiң жауапты орындаушысы.

8. Әрбiр рәсiмнiң (iс-қимылдың) ұзақтығын көрсете отырып, құрылымдық бөлiмшелер (қызметкерлер) арасындағы рәсiмдердiң (iс-қимылдардың) кезеңдiлiгiн сипаттау:

1) көрсетiлетiн қызметтi берушiнiң кеңсесi құжаттарды қабылдауды және оларды тiркеудi жүзеге асырады — 15 минут;

2) көрсетiлетiн қызметтi берушiнiң басшысы құжаттарды қарайды және жауапты орындаушыны анықтайды — 1 сағат;

3) көрсетiлетiн қызметтi берушiнiң жауапты орындаушысы құжаттарды қолданыстағы заңнамаға сәйкестiк мәнiне тексередi, рұқсат немесе бас тарту туралы дәлелдi жауап дайындайды — 8 жұмыс күнi;

4) көрсетiлетiн қызметтi берушiнiң басшысы рұқсатқа немесе бас тарту туралы дәлелдi жауапқа қол қояды — 1 сағат;

5) көрсетiлетiн қызметтi берушiнiң кеңсесi рұқсатты немесе бас тарту туралы дәлелдi жауапты бередi — 15 минут.

9. Мемлекеттiк қызмет көрсету процесiнде көрсетiлетiн қызметтi берушiнiң құрылымдық бөлiмшелерiнiң (қызметшiлерiнiң) өзара әрекетiнiң, рәсiмдер (әрекеттер) кезеңдiлiгiнiң толық сипаттамасы, осы регламенттiң қосымшасына сәйкес мемлекеттiк қызмет көрсетудiң бизнес-процестерiнiң анықтамалығында көрсетiледi.

Жүктеу (DOCX 14 Kb) 

Қызмет берушінің лауазымды тұлғаларының шешімдерін, әрекеттерін (әрекетсіздігін) шағымдау тәртібін түсіндіруді, сондай-ақ шағым дайындауда көмек көрсетуді мекен жайлары «мемлекеттік қызметтер» бөлігінде  Бурабай ауданының әкімдігі http://burabay.akmo.gov.kz/ интернет ресурсында көрсетілген қызмет берушінің мамандарымен  жүзеге асырылады.

Шағымдану тәртібі туралы ақпаратты «электрондық үкімет» call-орталығының ақпараттық-анықтама қызметінің 1414, 8-800-080-7777 (қонырау салу тегін) телефоны арқылы алуға болады.

Көрсетілген мемлекеттік қызметтің нәтижелерімен келіспеген немесе әдепсіз қызмет көрсетілген жағдайда шағым қызмет беруші басшысының атына немесе осы стандартқа 1-қосымшада көрсетілген интернет-ресурстарда орналастырылған қызмет беруші басшысына немесе тиісті әкімшілік аумақтық бірлігінің әкіміне немесе  egov.kz  порталына беріледі.

Көрсетілген мемлекеттік қызметтің нәтижелерімен келіспеген жағдайда қызмет алушы заңнамада белгіленген тәртіппен сотқа өтініш жасауға құқылы.

Шағым шағымда қойылған мәселелерді шешу оның құзыретіне кіретін лауазымды тұлғаға жолданады.

Шағымда қызмет алушының тегі, аты, әкесінің аты (жеке басын куәландыратын құжатта болған кезде), пошталық мекенжайы, шағым беру күні және қызмет алушының қолы көрсетіледі.

Шағым берген кезде әрекеттері немесе әрекетсіздігі шағымданатын лауазымды тұлғалардың лауазымы, тегі және аты-жөні, өтініш жасау себептері және талаптар көрсетіледі.

Шағымды қызмет берушінің кеңсесіне тапсырған кезде шығамды қабылдау растамасы шағым берген қызмет алушыға шағым қабылданған күні және уақыты, қабылдаған лауазымды тұлғаның тегі және аты-жөні көрсетілген талон беру болып табылады. Шағымды қарау барысы туралы ақпаратты қызмет берушінің кеңсесінен алуға болады.

Шағымды портал арқылы жіберген кезде, шағымның қаралу барысы (жеткізілгені, тіркелгені, орындалуы, қарастырылу нәтижесі туралы белгі) туралы ақпарат қызмет алушының «жеке кабинетінде» қолжетімді болады.

Шағымдарды қарау «Мемлекеттік көрсетілетін қызмет туралы» Қазақстан Республикасының 2013 жылғы 15 сәуірдегі Заңының 25-бабында белгіленген ерекшеліктерді ескере отырып, «Жеке және заңды тұлғалардың өтініштерін қарау тәртібі туралы» Қазақстан Республикасының 2007 жылғы 12 қаңтардағы Заңында көзделген тәртіпте және мерзімдерде жүзеге асырылады.

Шағымдану туралы қосымша ақпаратты Бурабай ауданы әкімі аппаратының Мемлекеттік қызметтердің көрсетілуіні мониторингі және ақпараттық технологиялар  бөлімінде 8 (71636) 79319, 45905 телефондар арқылы немесе Щучинск қаласы, Абылай-хана 32-үй, 16-кабинет мекенжайы бойынша алуға болады.

"Бурабай ауданының сәулет және қала құрылысы бөлімі" ММ, Ақмола облысы, Бурабай ауданы, Щучье қаласы, Абылайхан көшесі, 34, 10-кеңсе.

Басшысы: Қуандықов Алмас Жақсылықұлы

Телефоны: 8 (716 36) 4-32-58

Сенім телефоны: 8 (716 36) 4-32-58

E-mail: arhitektura2@mail.ru

Азаматтарды қабылдау кестесі: Дүйсенбі-жұма күндері сағат 9:00-ден 18:00-ге дейін.

Мақалың шыққан күні: 11.02.2017 17:36
Жаңартылған күні: 18.06.2018 14:39
Қараулар: 828